نفسى فى حـــــــــــــــــــرية

نفسى فى حـــــــــــــــــــرية

(م_ح)،15 سنة ،طالبة

انا تعبانة  فى حياتى والدنيا كلها انا زهقت خلاص والله,انا كنت فى حالة كويسة مع عائلتى  لكن من وقت ما اخواتي اتجوزا وانا شاربة المر معاهم في البيت . متلبسيش الهدوم دي، متطلعيش مع صحباتك ،ولا تطلعي من البيت غير على المدرسة ولا تقفي على الباب ولا تقفى على البلكونة (وهي بتبكي).

انا نفسى اعيش زى البنات يا(.....)يبقى ابى وامى واثقين فيا.

بشوفك وانتي امك وابوكي سايبين ليكي الحريه للخروج  ،لكن انا عندلما أقف على البلكونة بتحسرعلى نفسى واقول ليه ما ابقاش زى البنات دى اطلع اتفسح وأخرج مع اصحابى؟،سؤال كنت بسأله دايما .

بصى يا(.........) انا فى الاول كنت اقول لهم انا  خارجة رايحة مع اصحابى هنتمشي شوية، كان ابويا يتلفظ بكلام وحش ويجرحنى ويقول لى (احنا معندناش بنات تطلع دى بنات قليلة ادب ناسها ماربوهاش اللى بتطلع تتفسح ),,,,,, صمت .

ومدة ثلاث سنين على هذا الحال  لحد لما جاني اكتئاب ،وكل لما تكون المدرسة منظمة رحلة ترفيهية كنت بقولهم وبرضوا مبيرضوش رغم اني اصحابي هيروحوا معايا ،حتى فى اختيار هدومي كانت بتفرض امى رأيها على فى اللبس وحتي الاكل وكل حاجه في حياتي بتتدخل فيها !!!!! .

حتى  فى النهاية قررت الهروب من المنزل ،ولكن قبل ما اهرب ه اخذت علقة موووت زي ما بيقولوا موتني من الضرب عمرى ما هنساه ،ضربنى بخرطوم الحمام  عمرى ابويا ما ضربنى بخرطوم الحمام   وده بسبب انى كنت اتكلم  مع واحد زميلى فى المدرسة  فسمعنى ابويا بعدها جن جنونه  ونزل على بالضرب حتى  اغمي عليا وفقدت الوعى.

 فقررت ثانى يوم ان اخرج من البيت فطلعت زي عادتى رايحة المدرسة  الصبح  واخذت شوية هدوم فى شنطتى بتاعة المدرسة  ،وروحت قعدت عند واحده صاحبتي في غرب اسوان .

وجه الليل ،وتوقعت انهم هيدورا عليا في كل مكان ،واتصلوا بجميع صاحباتي ،حتى صحبتى الذى كنت قاعدة معاها ،بس اتفقت معها انها متقولش لحد علي مكاني،وقعدت عندها لمدة اسبوع اواهلي جنوا عليا،و فى النهاية لقيوني ورجعونى للبيت،ولكن تكررت المأساة مرة تانية ونزل عليا بالضرب مرة تاني لحد ما كنت هموت وفى الوقت المناسب جات خالتى وجوزها  وانقذونى من ايد ابويا .وكنت كل يوم فى خناقات مع ابويا دايما حتى  المدرسة كانوا مش عايزيني اروحها تاني واتكلمت مع خالتى وجوزها لاقناع ابويا لرجوعى لمدرستى مرة تانيه ،واقتنع ابويا بكده  ،وقررت الهروب مرة اخرى وبنفس الطريقة واستغليت فرصة خروجى الى المدرسة وكنت احوش جزء من مصروفي بتاع المدرسة  وخرجت الصبح الى المدرسة كعادتى كل يوم وشويه من هدومي في شنطة المدرسة وقعدت في فندق قريب من  المحطة ،وتوقعت ان عيلتى هتدور عليا المره دي في اقسام الشرطة والمستشفيات ويدوروا هنا وهناك ،وفى لحظة ضاع كل شئ خططت ليه لمحنى واحد من جيراننا وانا خارجة من الفندق الذى كنت قعده فيه وراح قال لابويا طبعا،وجه ابويا يسأل عنى ومسكنى من شعرى وجرجرنى قدام كل الناس جوه الفندق وفى الشارع.

ونزل علياضرب موت فى الشارع ،وقعدت ابص علي الناس في الشارع حوليا عشان حد ينقدني من ايديه ولكن محدش جه يخلصني منه والناس تقول له حرام عليك يقول لهم بنتى وانا حر فيها محدش يتدخل بنتي وبربيها .

وبعدين نزفت دم كتير وبدل ما اروح البيت روحت المستشفى لينتهى بي الحال بجلطة  واعوجاج فى فمى وتوقف ذراعى عن الحركة.

وشعورى بالموت مجددا بدلا من الحياة المأساوية اللي هتتكرر اول ما اخف وارجع البيت انا متمناش اني اعيش تاني ، يمكن ابويا يكون اتعلم الدرس ؟؟؟؟ (عياااااااااااااااااااااااااااااااااااااااااااااااااااااااااااااط)